ტურინის “იუვენტუსი” ჩემპიონთა ლიგის ფინალისთვის აქტიურად ემზადება. კლუბის მთავარმა მწვრთნელმა, მასიმილიანო ალეგრიმ დღეს ჟურნალისტების შეკითხვებს უპასუხა.
“ასეთი მატჩისთვის მომზადება ერთი სიამოვნებაა. ასეთ მოვლენაზე ყველა ოცნებობს. გამიმართლა, ისეთი ფეხბურთელების მწვრთნელი ვარ, რომლებიც უკვე 4 წელია ახარებენ გულშემატკივრებს. ეს ბრწყინვალე სეზონი ისტორიაში შევა და, თუ ჩემპიონთა ლიგაც მოვიგეთ, საერთოდ ჩინებული შედეგი იქნება.
“რეალთან” შეხვედრამ დიდი გამოცდილება მოგვცა. ბერლინში უფრო გაგვიჭირდება, თუმცა ფინალი ერთი მატჩისგან შედგება და ეს საკმაო უპირატესობას გვაძლევს.
კომპაქტურად უნდა ვითამაშოთ და მეტოქეს თავისუფალი ზონები არ დავუტოვოთ. “ბარსას” მაღალი კლასის მოთამაშეები ჰყავს, ისევე, როგორც – ჩვენ. არა მგონია, საქმე პენალტების სერიამდე მივიდეს, თუმცა ამისთვისაც მზად ვიქნებით”, – ამბობს ალეგრი.
| 
