მადრიდის "რეალის" ყოფილმა ფეხბურთელმა და "ბლანკოსის" აკადემიის აღზრდილმა, ესპანელმა ფორვარდმა, ალვარო მორატამ ყოფილი გუნდი "ჩემპიონთა ლიგის" ფინალის მიღმა დატოვა და ზედიზედ მეორედ გავიდა ევროპის ყველაზე პრესტიჟული ტურნირის ფინალში, ამჯერად ტირინის "იუვენტუსთან" ერთად.

აღსანიშნავია, რომ ესპანელი ზედიზედ მეორედ ითამაშებს "ჩემპიონთა ლიგის" ფინალურ ეტაპზე. ლისაბონიდან ბერლინამდე - მას საშუალება ეძლევა 22 წლის ასაკში მეორედ გახდეხ "ჩ/ლიგის" ტრიუმფატორი.

ალბათ ძნელია შარშანდელი ფინალის დავიწყება, განსაკუთრებით მადრიდის "რეალის" გულშემატკივრებისთვის. ლისაბონის ფინალი და ზღვა ემოცია, რომელიც სერხიო რამოსის "ოქროს თავურს" მოჰყვა. 2014 წელს გამართულ "ჩემპიონთა ლიგის" ფინალში მონაწილეობა ალვარო მორატამაც მიიღო და თავისი წვლილი შეიტანა მადრიდელთა გაამრჯვებაში. მან 21 წლის ასაკში "ჩემპიონთა ლიგის" მოგება პირველად მოახერხა.

მაგრამ ეს ყვეალფერი არ არის, 2014/15 წლების "ჩ/ლიგის" ნახევარფინალში მორატას "იუვენტუსი" სწორედ მადრიდის "რეალს" დაუპირისპირდა. ალვარომ მშობლიური კლუბი ჯერ ტურინში, შემდეგ კი მადრიდში დაამწუხრა და ევროპის ყველაზე პრესტიჟული ტურნირის ფინალურ ეტპზე ზედიზედ მეორედ გავიდა.

ესპანელს შანსი ეძლევა ზედიზედ მეორედ მოიგოს "ჩემპიონთა ლიგა"... და არ დაგავიწყდეთ, ის ჯერ მხოლოდ 22 წლის არის.